తెలుగు సామెతలు

అ ఆ లు రావు అగ్రతాంబూలం కావాలట

అంగట్లో అన్నీ ఉన్నా అల్లుడి నోట్లో శని ఉన్నట్లు

అంగట్లో అరువు తలమీద బరువు

అంగడి అమ్మి గొంగళి కొన్నట్లు

అంగడి మీద చేతులు అత్తమీద కన్ను

అంగిట బెల్లం కడుపులో విషం

అంగిట విషము మున్నాలికను తియ్యదనము

అంటనప్పుడు ఆముదం రాచుకున్నా అంటదు

అంటే ఆరడి అవుతుంది అనకపోతే అలుసవుతుంది

అంట్లుతోమవే అంకాక్షి అంటే అత్తరు రాసుకోనీవే కుంకాక్షి అందట

అండలుంటె కొండలు దాటవచ్చు

అండలేనివూళ్లో ఉండ దోషము ఆశలేని పుట్టింట అడుగు దోషము

అంతంత కోడికి అర్థశేరు మసాలా

అంతకు తగిన గంత గంతకు తగిన బొంత

అంతములేని చోటులేదు ఆదిలేని ఆరంభములేదు

అంతా అయిన వాళ్ళే కాని మంచినీళ్ళు పుట్టవు

అంతా ఉరిమి ఇంతేనా కురిసేది

అంతా తడిసిన తరువాత చలేమిటి

అన్నీ తెలిసినవాడూ లేడు ఏమీ తెలియని వాడూ లేడు

అంతా బావలే అయితే కోడిపెట్ట ఏమైట్లు

అంతా మన మంచికే

అంతా మావాళ్ళే గానీ అన్నానికి రమ్మనే వాళ్ళులేరు

అంత్య నిష్టూరంకన్నా ఆది నిష్టూరం మేలు

అందం ఉంటే ఆయనా అదృష్టం ఉండొద్దా

అందని ద్రాక్ష పుల్లన

అందరి కాళ్ళకు మొక్కినా అత్తారింటికి పోక తప్పదు

అందరికి అన్నం పెట్టేవడు రైతు

అందరికీ శకునం చెప్పే బల్లి కుడితి తొట్లో పడిందట

అందరికీ అట్ల పండగ మనకు ముట్ల పండగ

అందరూ అయ్యోరులైతే చదివేదెవరు

అందరూ ఘనులైన హరునకు తావేది

అందరూ శ్రీ వైష్ణవులే బుట్టలో చేపలన్నీ మాయం

అందరూ శ్రీవైష్ణవులే బుట్టెడు రొయ్యలు ఏమైనట్లు

అందరిని మెప్పించటం అలవిగానిపని

అందరూ అందలమెక్కితే మోసేదెవరూ

అందరూ అహింసాపరులే అయితే కొడిపెట్ట ఎక్కడపోయినట్టు

అందలంలో పెట్టినా కుక్క ఎంగిలాకులు నాక ఇలకుదూకు

అందితే జుట్టు అందకపోతే కాళ్ళు

అందిన తియ్యన అందకుంటె పుల్లన

అంధుడికి అద్దం చూపినట్లు

అంబటి మీద ఆశ మీసాల మీద మొజు

అంబటియేకు వచ్చినది అత్తా అంటే, కొలబుర్ర నా చేతిలో ఉన్నది కోడలా అన్నదట

అక్కర ఉన్నంతవరకు ఆదినారాయణ అక్కర తీరేక గూదనారాయణ

అక్కర తీరితే అల్లుడు తొత్తుకొడుకు

అక్కరకు ఒడవని అర్థమెందుకు అక్కరకు రాని చుట్టమెందుకు

అక్కరకు రాని చుట్టము అక్కరలేదు మొక్కితే వరమీని దేవుడ క్కరలేదు

అక్కరకు వచ్చినవాడే అయినవాడు

అక్షయపాత్ర

అగడ్తలో పడ్డ కప్పకు అదే వైకుంఠం

అగ్గి మీద గుగ్గిలం చల్లినట్లు

అగ్గిని మండించవచ్చు గాని మూర్ఖుణ్ణి మార్చలేమట

అగ్గువ బేరం నుగ్గు నుగ్గు

అగ్ని శేషం ప్రణ శేషం ఋణశేషం రణ శేషం ఉండ రాదు

అగ్ని శేషం ఋణశేషం శత్రుశేషం వ్రణశేషం ఉంచరాదు

అగ్ని హోత్రములో ఆజ్యము పోసినట్టు తిరుమణిధారి అయితే

అగ్నికి ఆజ్యం పోసినట్లు

అగ్నికి వాయువు తోడైనట్టు

అగ్నిలో మిడత పడ్డట్లు

అగ్రహారం పోయిందికానీ ఆక్టు(Act) బాగ తెలిసింది

అచ్చిరాని కాలానికి అడుక్కతినబోతే ఉన్న బొచ్చికాస్తా ఊడ్చుకొనిపోయిందిట

అటుకులు బొక్కే నోరు ఆడిపోసుకునే నోరు ఊరుకోవు

అడకత్తెరలో పోకచెక్క

అడక్కుంటే జోలె అడుక్కుపోతుంది

అడగందే అమ్మ అయినా పెట్టదు

అడవికాచిన వెన్నెల

అడవి పులి మనుషులని ఆదరించునా

అడవిపంది చేనుమేసిపోతే ఊరపంది చెవులు కోసినట్లు

అడవిలో వెన్నెల సముద్రంలో వాన ఒకటే

అడిగింది రొట్టె ఇచ్చింది రాయి

అడిగితే చిరాకు అడుగకపోతే పరాకు

అడియాశ పొడియాశ దుఃఖానకు కారణం

అడుక్కుతినే అమ్మకు అరవై ఆరు కూరలైతే వండుకున్న అమ్మకు ఒకటే కూర

అడుసు తొక్కనేల కాలు కడగనేల

అడ్డగోడమీద పిల్లి

అణిగి మణిగి ఆకులో పిందెలాగ

అతిరహస్యం బట్టబయలు

అతి వినయం ధూర్త లక్షణం

అతివృష్టి అనావృష్టి ఏదయినా ఆకలిబాధ తప్పదు

అత్త ఆడమంది కోడలు కుంటమంది

అత్త ఒకింటి కోడలే మామా ఒకింటి అల్లుడే

అత్త కాలము కొన్నాళ్ళు కోడలికాలం కొన్నళ్ళు

అత్త కూడు వండమన్నదేకాని కుండ పగలకొట్టమన్నదా

అత్తకొట్టిన కుండ అడుగోటి కుండ కోడలు కొట్టిన కుండ కొత్త కుండ

అత్త చచ్చిన ఆరు మాసాలకు కోడలు ఏడ్చిందట

అత్త చచ్చిన ఆరునెలలకు కోడలు నిట్రాయి పట్టుకొని నిగిడినిగిడి ఏడ్చిందంట

అత్త చస్తే కోడలు ఏడ్చినట్లు

అత్త చేసిన పనికి ఆరళ్ళు లేవు

అత్త నీ కొంగు తప్పిందన్న తప్పే లేదన్న తప్పే

అత్త పెట్టే ఆరళ్ళే కనపడతాయి కాని కోడళ్ళు చేసే కొంటె పన్లు కనపడవట

అత్త పేరు పెట్టి కూతుర్ని కుంపటిలో వేసినట్లు

అత్త బుద్ది కోడలు బుద్ధి ఒకటవుతాయా

అత్త మంచి వేము తీపి ఉండదు

అత్త మిత్తి తోడికోడలు కత్తి

అత్త మీద కోపం దుత్తమీద చూపినట్లు

అత్త మెత్తన కత్తి మెత్తన ఉండవు

అత్తలేని కోడలుత్తమురాలు కోడలులేని అత్త గుణవంతురాలు

అత్త వకరింటి కోడలే

అత్త సొమ్ము అల్లుడు దానం

అత్తచేసే పన్లకు ఆరళ్ళే లేవట

అత్తను ఏడిపించిన కోడలు అత్త అయితే బలేగుందట

అత్తపేరు పెట్టి కూతురిని కొట్టినట్లు

అత్తలేనమ్మ ఉత్తమురాలు మామలేనమ్మ మరీభాగ్యశాలి

అత్తలో మంచీలేదు వేములో తీపీ లేదు

అత్తవారింటి సుఖము మోచేతి దెబ్బవంటిది

అత్తవారింటి ఐశ్వర్యంకన్నా పుట్టింటి గంజి మేలు

అత్తా అత్తా అన్నం పెట్టత్తా అంటే సున్నం పెడతానే అందట

అత్తా అత్తా ఎప్పుడు నిద్రపోతావంటే నిన్ను చూసిపోతా అందట

అత్తింటి కాపురం కత్తిమీది సాము

అత్యాశ నిత్యనాశనం

అదను ఎరిగి సేద్యం పదును ఎరిగి పైరు

అదృష్టం అందల మెక్కిస్తాను అంటే బుధ్ధి బురదలోకి లాక్కెళిందంట

అదృష్టం ఉంటే చేయిజారిపోయేది కూడా చేతికి వస్తుంది

అదృష్టం చెప్పిరాదు దురదృష్టం చెప్పిపోదు

అదృష్టం పండితే ఆరునూరవుతాయి

అదృష్టవంతుడిని చెరిపేవారు లేరు భ్రష్టుణ్ణి బాగుపరిచేవారు లేరు

అద్దం అబద్ధం ఆడుతుందా

అద్దం మీద అలిగి ముక్కుగోసుకున్నట్లు

అద్దం లో నీడకు ఆశ పడరాదు

అద్దంలో ముడుపు అరచేతి స్వర్గం

అద్దంలోని మూత అందిరాని మాట

అధికారికి చెవులుంటయేగాని కళ్ళు ఉండవు

అధికాశ లోకదరిద్రం

అనగా అనగా రాగం తినగా తినగా రోగం

అనుభవం ఒకరిది ఆర్భాటం ఇంకొకరిది

అనుభవమే శాస్త్రం మాటలే మంత్రాలు

అనుమానం పెనుభూతం

అనుమానం ప్రాణసంకటం

అనువయిన భూమి అరచేయంత చాలు

అనువుగాని చోట అధికులమనరాదు

అనువుగానిచోట పుండు అల్లుడి వైద్యం చెప్పుకుంటే ప్రాణం పోతుంది

అన్న దీక్ష యేగాని అక్షరదీక్ష లేదు

అన్న ద్వేషం బ్రహ్మద్వేషం పనికిరాదంటారు

అన్న వస్త్రాలకు పోతే ఉన్నవస్త్రం కాస్తా ఊడిపోయిందట

అన్నం అరఘడియలో అరుగుతుంది ఆదరణ శాశ్వతంగా ఉంటుంది

అన్నం ఉడికిందో లేదో అంతా పట్టి చూడక్కరలేదు

అన్నం చొరవే గానీ అక్షరం చొరవ లేదు

అన్నం తిన్నవాడు తన్నులు తిన్నవాడు మరిచిపోడు

అన్నం పెట్టిన వాడింటికి కన్నం వేసినట్లు

అన్నం పెట్టేవాడు దగ్గరుండాలి దణ్ణం పెట్టేవాడు దూరంగా ఉన్నా పర్వాలేదు

అన్నం పెడితే అరిగిపోతుంది చీర పెడితే చినిగిపోతుంది వాత పెడితే కలకాలం ఉంటుంది

అన్నదమ్ముల పొత్తు చిన్నప్పుడు అక్కచెళ్ళెల్లపొత్తు పెద్దప్పుడు

అన్నదమ్ముల శత్రుత్వం అక్కచెల్లెళ్ళ మిత్రత్వం

అన్నము చుట్టరికము డబ్బు పగ

అన్నరసం కన్న ఆదరణ రసం మేలు

అన్నవస్త్రాల కోసం పోతే ఉన్న వస్త్రాలు ఊడిపోయాయట

అన్నవస్త్రాలకు పోతే ఉన్న వస్త్రం ఊడిపోయింది

అన్నవారు బాగున్నారు పడినవారు బాగున్నారు మధ్యనున్న వారే నలిగిపోయారన్నట్లు

అన్ని యునున్న ఆకు అణగి యుండును ఏమియు లేని ఆకు ఎగిరిపడును

అన్ని రుచులూ సరేగాని అందులో ఉప్పు లేదు

అన్నియు తెలిసినవాడు లేడు ఏమియు తెలియని వాడు లేడు

అన్నీ అమర్చిన తరువాత అత్తగారు వేలు పెట్టినట్టు

అన్నీ అయిన తరువాత అగ్ని వైద్యం

అన్నీ ఉన్న ఆకు అణగి మణగి ఉంటుంది ఏమీ లేని ఆకు ఎగిరెగిరి పడుతుంది

అన్నీ ఉన్న విస్తరి అణగిమణగి ఉంటుంది ఏమిలేని విస్తరి ఎగిరెగిరి పడుతుంది

అన్నీ తెలిసిన అత్త అమావాస్యనాడు చచ్చిందట

అన్నీ వడ్డించిన రైతుకు అన్నమే కరువు

అన్యాయపు సంపాదన ఆవిరైపోతుంది

అపండితుడి కంటె అర్థపండితుడే అపాయకరం

అపకారికైనా ఉపకారమే చెయ్యవలెను

అప్పిచ్చి చూడు ఆడపిల్లనిచ్చిచూడు

అప్పు ఆరుతెన్నులు ముప్పు మూడు తెన్నులు

అప్పు ఇచ్చినవాడు బాగుకోరును తీసుకొన్నవాడు చెడుకోరును

అప్పు చేసి కొప్పు తీర్చిందట

అప్పుచేసి పప్పు కూడు

అప్పు తీర్చెవానికి పత్రంతో పనేముంది

అప్పు నిప్పులాంటిది

అప్పు ముప్పు

అప్పు లేకపోతే ఉప్పుగంజి మేలు

అప్పుతీర్చి అంగట్లో కాపురం చెయ్యాలి

అప్పులవాడిని నమ్ముకొని అంగడికి మిండమగడిని నమ్ముకొని జాతరకు పోకూడదు

అప్పులేని గంజి దొప్పెడే చాలును

అప్పులేని వాడే అధిక సంపన్నుడు

అప్పులేనిదే ఒక ఐశ్వర్యం

అప్పులేనివాడు అధిక బలుడు

అబద్ధమాడినా గోడ పెట్టినట్లుండాలి

అబద్ధము ఆడినా అతికినట్లు ఉండాలి

అబధమాడితే గోడ పెట్టినట్లుండవలె

అబ్బ త్రవ్విస్తే అబ్బాయి పూడ్పించాడు

అబ్బ లేని బిడ్డ గట్లులేని చేను

అబ్బలేని బిడ్డ మబ్బులేని ఎండ

అబ్బితే సిగ అచ్చకపోతే కాళ్ళు

అభాగ్యుడికి ఆకలెక్కువ నిర్భాగ్యుడికి నిద్ర ఎక్కువ

అభ్యాసం కూసువిద్య

అభ్యాసం లేని రెడ్డి అందలం ఎక్కితే అటు ఇటు అయ్యిందట

అమర్చిందానిమీద అత్త గారి చేయి

అమర్చినదానిలో అత్త వేలు పెట్టినట్లు

అమావాస్యకు తరువాత పౌర్ణమి రాదా

అమ్మ కడుపు చూస్తుంది ఆలు వీపు చూస్తుంది

అమ్మ పెట్టా పెట్టదు అడుక్కు తినానివ్వదు

అమ్మకి కూడు పెట్టనివాడు పెద్దమ్మకి కోక పెడతానన్నాడు

అమ్మబోతే అడివి కొనబోతే కొరివి

అమ్మయినా అడగందే పెట్టదు

అమ్మేదొకటి అసిమిలోదొకటి

అయితే అంగలూరు కాకపోతే సింగలూరు

అయితే అవతలి ఒడ్డు కాకుంటే ఇవతలి ఒడ్డు

అయిన వాడిని ఆశ్రయించేకంటే కానివాడి కాళ్ళు పట్టడం మేలు

అయినవారికి ఆకుల్లో కానివారికి కంచాల్లో పెట్టినట్లు

అయినవాళ్ళను అవతలకి నెట్టి కానివాళ్ళ కాళ్ళు పట్టుకొన్నట్లు

అయినోణ్ణి అడిగేదానికంటే కానోణ్ణి కాళ్ళు పట్టుకొనేది మేలు

అయిపోయిన పెళ్ళికి మేళమెందుకు

అయుష్షు గట్టిదైతే అడివిలో ఉన్నా అయోధ్యలో ఉన్నా ఒకటే

అయ్య రాకంటే అమావాస్య అప్లైవుంటుందా

అయ్య వారిని చేయబోతే కోతి అయినట్లు

అయ్య వారు వచ్చే వరకు అమావాస్య ఆగుతుందా

అయ్యకు రెండు గుణములు తక్కువ తనకుగా తోచదు ఇంకొకరు చెపితే వినడు

అయ్యగారిని చెయ్యబోతే కొయ్య గారైనట్లు

అయ్యవారి గుర్రానికి అన్నీ అవలక్షణాలే

అయ్యవారి జందెం అయ్యవారికే ముప్పు

అయ్యేదాకా అరిసెల పాకం అయినతరవాత బూరెలపాకం

అర చేతికి పండ్లు వచ్చుట

అర చేతిలో వెన్న పెట్టుకొని నేతికి ఏడ్చినట్లు

అరకాసు పనికి ముప్పాతిక బాడిగ

అరగదీసిన గందపు చెక్కకి వాసన తగ్గునా

అరగని కూడు జరగని మాట

అరఘడియ భోగం ఆర్నెల్ల రోగం

అరచేతి రేగిబంటికి అద్దము కావలెనా

అరచేతిలో బెల్లం పెట్టి మోచేతి వరకూ నాకించినట్లు

అరచేతిలో వెన్నపెట్టుకొని నెయ్యికోసం వూరంతా తిరిగినట్లు

అరచేతిలో వైకుంఠం కలత నిద్రలో కైలాసం

అరచేతిలో వైకుంఠం చూపినట్లు

అరచేతిలో వైకుంఠం చూపుతాడు

అరటిపండు ఒలిచి చేతిలో పెట్టినట్లు

అరటిపండు ఒలవను ఇనుపగోళ్ళూ కావలెనా

అరణ్యరోదనం

అరనిముషం తీరికాలేదు అరకాసు సంపాదనాలేదు

అరపుల గొద్దు పితుకునా

అరవబోకే చెల్లీ అంటే కరవబోకే అక్కా అన్నదట

అరవై ఊళ్ళకు అములుదారుడు కూడా ఆలికి దాసుడు

అరవై ఏళ్ళొస్తే చదువుకోక చస్తాడా

అరిచే కుక్క కరవదు

అరిటాకొచ్చి ముల్లుమీద పడ్డా ముల్లొచ్చి అరిటాకు మీద పడ్డా అరిటాకుకే నష్టం

అరుంధతి కనపడలేదంటే ఆరు వేలప్పు కనిపించిందా అన్నట్టు

అరుంధతీ కనపడదు అర్ధానము కనపడదు అరవై వేల అప్పుమాత్రం కనపడుతున్న ది

అరువు బేరంనాడు ఆత్మీయులు వసూలునాడు బూతులు

అరువు సొమ్ములు బరువుకు చేటు

అరువు సొమ్ములు బరువుచేటు తీయ్యబెట్టా తీపుచేటు అందులో ఒకటి పోతే అప్పుల చేటు

అర్జీల వల్ల పనులూ కావు ఆశీర్వాదాల వల్ల బిడ్డలూ పుట్టరు

అర్దరాత్రి మద్దెల దరువు

అర్ధరాత్రివేళ మద్దెల దరువులు

అలంకారం కంటె అయిదవతనం మేలు

అలకాపురం కొల్లగొట్టినా అదృష్టహీనుడికేమీ దక్కదు

అలవాటులేని అవపోసన చెయ్యబోతే మూతి మీసాలన్నీ తెగ కాలినయట

అలవి మీరితే అమృతం అయినా విషమే

అలిగి అత్తగారింటికెళ్ళేకంటే చెడి చెల్లిలింటికి వెళ్ళడు మేలు

అలిగి అత్తవారింటికి చెడి చెల్లెలింటికి పోరాదు

అలిగే బిడ్డతో చెలిగే గొడ్డుతో వేగడం కష్టం

అల్పవిద్వాంసుడు ఆక్షేపణకు పెద్ద

అల్పుడికి ఐశ్వర్యం వస్తే అర్ధరాత్రి గొడుగు పట్టమన్నాడుట

అల్పుడెప్పుడు పల్కు ఆడంబరంగాను

అల్లం అంటే నాకు తెలీదా బెల్లంలా పుల్లగా ఉంటదన్నాడట

అల్లుడికి పెట్టినట్లు కొడుకుకి పెడితే ఇల్లు గుల్ల అయ్యింది

అల్లుడికి బెట్టు ఇల్లాలికి గుట్టు ఉండాలి

అల్లుడు చుట్టమూకాడు ఆముదం చెట్టు వృక్షం కాదు

అల్లునికి అత్తాశ గొడ్డుకు దూడాశ

అవలక్షణాలున్నవాడికి అక్షింతలు ఇస్తే అవతలకు పోయి నోట్లో వేసుకున్నాట్ట

అవి వేకితో స్నేహముకన్నా వివేకితో విరోధము మేలు

అవ్వ కోడి కుంపటి లేకుంటే తెల్లవారదా ఊరికి నిప్పుదొరకదా

అవ్వాకావలెను బువ్వా కావలెను

అశుద్ధం మీద రాయి వేస్తే ముఖమంతా చిందుతుంది

అశ్వమేధయాగం చెయ్యవచుగానీ ఆడపిల్ల పెళ్ళి చెయ్యలేము

అసత్యమాడుట పిరికిపందల గుణం

అసలు మూడుపాళ్ళు వడ్డి ఆరుపాళ్ళు

అసలు లేవురా మగడా అంటే పెసరపప్పు వండవే పెళ్ళామా అన్నాడట

అసలుకంటే వడ్డి ముద్దు

అసలుకు గతిలేకుంటే కొసరడిగినట్లు

అసలుది లేకపొతే అహంకారమెక్కువ

అసలే కోతి అద్దం చూపిస్తే వూరుకుంటుందా

అసలే కోతి ఆపై కల్లు తాగినట్టు

అసలే కోతి దానికితోడు కల్లుతాగింది పైన తేలు కుట్టింది

అసాద్యమ్మనేమాట సత్యహీనులది

అసూయ పొరుగింటి గుర్రాన్ని గాడిద అనిపిస్తుంది

అస్తమానం అరచే పిల్లి ఎలుక పట్టలేదు

తినటానికి తిండి లేదు మీసాలకు సంపెంగ నూనె

ఆ ఊరి దొర ఈ ఊరికి తలారి

ఆ ఇంటి కాకి ఈ ఇంటి మీద వాలదు ఈ ఇంటి కాకి ఆ ఇం టిమీద వాలదు

ఆ ఉరుముకు ఈ చినుకులేనా

ఆ ఊరికి ఈ ఊరు ఎంత దూరమో ఈ ఊరికి ఆ ఊరు అంతే దూరం

ఆ తానులోదే ఈ పీలిక

ఆ పప్పు ఈ నీళ్ళకు ఉదకదు

ఆ మరకా ఈ మరకా అడ్డగోడకి ఆ మాటా ఈ మాటా పెద్దకోడలకి

ఆ మొద్దు లోదే ఈ పేడు

ఆ రాటపు కదురు ఏరాటాన పెట్టినా బర బర

ఆంద్రుల ఆరంభ శూరత్వం

ఆకలి ఆకలి అత్తగారూ అంటే రోకలిమింగవే కోడలా అన్నదట

ఆకలి ఆకాశమంత నోరు సూదిబెజ్జమంత

ఆకలి కాకుండా నీకు మందుచెబుతా ముందు నాకు కాస్త గంజి నీళ్ళు పోయమన్నట్లు

ఆకలి గొన్నమ్మ ఎంగిలికి రోయదు

ఆకలి రుచి ఎరుగదు నిద్ర సుఖమెరుగదు వలపు సిగ్గెరగదు

ఆకలికాకుండా నీకు ఔషధమిస్తాను నీయింట్లో చద్ది నాకు పెట్టు

ఆకలిగొన్న బిచ్చగానికి వంటింట్లో వేయించిన ఉల్లి పాయల వాసనతగిలినట్లు

ఆకలిగొన్న వానికి అనుష్టుప్పుల్లో కాలతో పొట్ట నిండునా

ఆకారం చూసి ఆశపడ్డానే గాని అయ్యకు అందులో పస లేదు

ఆకాశమునకు వెండ్రుకకు ముడివేసెద నన్నట్లు

ఆకాశవీధిలో కొంగలు అంగడి వీధిలో దొంగలు

ఆకాశానికి నిచ్చెన వేసినట్లు

ఆకాశానికి హద్దే లేదు

ఆకాసం పొడువు ఆకాసమే యెరుగు

ఆకు రాలని చెట్టు ఆశ లేని మనిషి లేడు

ఆకు వెళ్ళి ముల్లు మీద పడ్డా ముల్లు వెళ్ళి ఆకు మీద పడ్డా ఆకుకే నష్టం

ఆకుబోయి నూతపడితే వెతకబోయి యేడుగురు పడ్డారట

ఆకులు ఎత్తరా అంటే విస్తళ్ళు లెక్క పెట్టాట్ట

ఆగడపలు వేసినవి అత్తగారా అంటే కొలబుర్ర నా చేతు లోనే ఉన్నది కోడలా అన్నదట

ఆచారానికి అంతంలేదు అనాచారానికి ఆదిలేదు

ఆచార్యుని తలచి నిప్పులో చేయి పెట్టితే కాలదా

ఆచార్యునికి ద్రోహం చేసినా ఆత్మకు ద్రోహం చేయరాదు

ఆటా ముగిసింది తంతీ తెగింది

ఆటు పోటు

ఆడ నేరక మద్దెలమీద తప్పుపెట్టినట్లు

ఆడ బిడ్డ మాటకు ఇరువైపులా పదునే

ఆడదన్ని చూచినా అర్ధాన్ని చూచినా బ్రహ్మకైన పుట్టు రిమ్మతెగులు

ఆడదాని అబద్దం గోడ కట్టినట్టు వుందట

ఆడదాని చేతి అద్దం మగవాడి చేతి బిడ్డ బ్రతకదట

ఆడదాని చేతి అర్ధము మగవానిచేతి బిడ్డ బ్రతకదు

ఆడదాని నోట్లో నువ్వు గింజ నానదు

ఆడదాని బ్రతుకు అరటాకు బ్రతుకు వంటిది

ఆడదాని మాట ఆపదలకు మూలం

ఆడదాని మాట నీళ్ళమూట

ఆడదానికి అలుసిస్తే నెత్తికెక్కుతుంది

ఆడదానికి పురిటి పురిటికీ గండం మగవానికి దినదినము గండం

ఆడది తిరిగి చెడును మగవాడు తిరగక చెడును

ఆడది బొంకితే గోడ పెట్టినట్లును మగవాడు బొంకితే తడిక పెట్టినట్లును

ఆడదే అమృతం ఆడదే హాలహలం

ఆడదై పుట్టేకంటే అడవిలో మానై పుట్టడం మేలు

ఆడబోతె చూడ బుద్ధి చూడబోతే ఆడబుద్ధి

ఆడబోయిన తీర్థమెదురైనట్లు

ఆడలేక అంగణం వంకర అన్నట్లు

ఆడలేక మద్దెల ఓడు అన్నట్లు

ఆడలేని అమ్మాయిలు మద్దెల ఓటిదన్నారట

ఆడింది ఆట పాడింది పాట

ఆడితప్పారాదు పలికి బొంకారాదు

ఆడే కాలు పాడే నోరు ఊరకుండవు

ఆత్మకు ద్రోహంచేస్తే అప్పుడే అడుగుతుంది

ఆత్మస్తుతి పరనింద అర్ధాపేక్ష లేని వాడు మహానుభావుడే

ఆత్రగాడికి బుద్ది మట్టం

ఆత్రపు పెళ్ళికొడుకు అత్త మెళ్ళో తాళి కట్టినట్లు

ఆదర్శాలు శిఖరమెక్కికూర్చుంటే అవసరాలు అగాధంలోకి ఈడుస్తాయి

ఆది లొనే హంస పాదు

ఆపతి మొక్కులు సంపతి కుంట్లు

ఆపదలు కాపలాలుండవు

ఆపదలైనా సంపదలైనా ఒంటరిగా రావు

ఆపదలో అడ్డుపడేవాడే చుట్టము

ఆపదలో మొక్కులు సంపదలో మరపులు

ఆబోతుతో దుక్కిటెద్దు పోలుతుందా

ఆమడలు దూరమైతే అంతఃకరణలు దూరమా

ఆముదపు విత్తులు ఆణిముత్యాలవుతాయా

ఆముదముకొలిచే తవ్వ ఎప్పుడూ జిడ్డే

ఆముదాల బేరం కామెర్ల రోగం నమ్మరాదు

ఆమె పేరు కుంతలమ్మ చూడబోతే బట్టతల

ఆయం తెలిసి వ్యయము చేయుము

ఆయాసం ఒకరిది అనుభవం మరొకరిది

ఆయుష్యం గట్టిగా ఉంటే అడవిలో ఉన్నా అయోధ్యలో ఉన్నా ఒక్కటే

ఆయుష్షు తీరిన వాడు ఆరు నెల్లకు చస్తే అనుమాన పడే వాడు అప్పుడే చచ్చాట్ట

ఆయుస్సు తీరినవాడు ఆరునెలకి చస్తే అనుమాన పడినవాడు అప్పుడే చస్తాడు

ఆయుస్సులేక చస్తారు గానీ ఔషదం లేక గాదు

ఆరంభ శూరత్వం

ఆరంభశూరునికి ఆర్భాటమెక్కువ

ఆరగించగా లేనిది అడుగుతే వస్తుందా

ఆరాటమే గానీ పోరాటం లేదు

ఆరిపోయే దీపానికి వెలుగెక్కువ

ఆరు నూరైనా అదంతే

ఆరు నెలలు సావాసం చేస్తే వారు వీరవుతారు

ఆరు నెల్లు సాముచేసి మూలనున్న ముసలిదాన్ని కొట్టినట్లు

మూడు నెలలు సాముచేసి మూలనున్న ముసలిదాన్ని కొట్టాట్ట

ఆరు రాజ్యాలను జయించవచ్చును గానీ అల్లుడిని జయించలేము

ఆరుద్ర కురిస్తే దారిద్ర్యం లేదు

ఆరుద్రకు అడ్డెడు చల్లితే పునాసకు పుట్టెడు పండుతుందట

ఆరుద్రలో వర్షం అమృతంతో సమానం

ఆరునెలకి చస్తాడనగా అసలు గుణం మారుతుంది

ఆరునెలలకి చచ్చెవానికి అల్ప బుద్ధి పుడుతుంది

ఆరునెలలు సాముచేసి మూలనున్న ముసలమ్మను పొడిచినట్లు

ఆరే దీపానికి వెలుగు యెక్కువ

ఆరోగ్యమే మహాభాగ్యం

ఆర్చేవారు లేరు తీర్చేవారు లేరు దీసేవారు లేరు

ఆర్చేవారేకాని తీర్చేవారు లేరు

ఆర్జీలకు పనులుకావు ఆశీర్వచనాలకు పిల్లలు పుట్టారు

ఆలస్యం అమృతం విషం

ఆలి కుదురైతే చేను కుదురౌతుంది

ఆలి శుచి ఇల్లు చెపుతుంది

ఆలికి అన్నం పెట్టడం ఊరికి ఉపకారమా

ఆలితో కలహించి ఆకలికాదని పస్తుండెడివాడు పంజు వెధవ

ఆలిని అదుపులో పెట్టలేనివాడు అందరినీ అదుపులో పెట్టునా

ఆలిమాట విన్నవాడు అడవిలో పడ్డవాడు ఒకటే

ఆలు ఏడ్చిన ఇల్లు ఎద్దు ఏడ్చిన సేద్యం ముందుకు రావట

ఆలు గుణవంతురాలైతే మేలు కలుగును

ఆలు బిడ్డలు అన్నానికి ఏడుస్తుంటే చుట్టానికి బిడ్డలు లేరని రామేశ్వరం పోయాడట

ఆలూలేదూ చూలూలేదు కొడుకు పేరు సోమలింగమట

ఆలుమగల కలహం అద్దంమీద పెసరగింజ ఉన్నంతసేపే

ఆలుమగల కలహం అరికకూడు వండినంతసేపు

ఆలుమగల కలహం అన్నం తినేదాకానే

ఆళ్లు కొత్తవిఅయితే తిరుగళ్లు కొత్తవా

ఆవగింజ అట్టే దాచి గుమ్మడికాయ కుప్ప మీద వేసినట్టు

ఆవగింజంత సందుంటే అరవై గారెలు తినేవాడట

ఆవులింతకు అన్నలున్నారుగానీ తుమ్ముకు తమ్ముళ్ళు లేరు

ఆవలిస్తే పేగులు లెక్క పెట్టినట్లు

ఆవాహన లేదు విసర్జన లేదు

ఆవు ఎక్కడ తిరిగితేనేమీ ఇంటికివచ్చి కడివేస్తే చాలు

ఆవు చేలో మేస్తే దూడ గట్టున మేయునా

ఆవు నలుపైతే పాలు నలుపా

ఆవుకు దూడకు లేని బాధ గుంజకెందుకో

ఆవునిచ్చి పలుపు దాచినట్లు

ఆవును కొంటే దూడను కొన్నట్లే

ఆవును చంపి చెప్పులు దానం చేసినట్లు

ఆవును విడిచి గాడిద పాలు పితికినట్లు

ఆవురంగు పాలనిబట్టి తెలుస్తుందా

ఆవులను మళ్ళించినవాడే అర్జునుడు

ఆవులలో ఆబోతై తినాలి అత్తవారింట్లో అల్లుడై తినాలి

ఆవులిస్తే ప్రేగులు లెక్క పెట్టే రకం

ఆశ అరవై నాళ్ళు మోహం ముప్పైనాళ్ళు

ఆశ గోష మెరుగదు పూటకూళ్లమ్మ పుణ్యం యెరుగదు

ఆశ బోధిస్తున్నది అవమానం బాధిస్తున్న ది

ఆశ లేని కూటికి ఆకలి లేదు

ఆశ సిసయెరుగదు నిద్ర సుఖమెరుగదు

ఆశకు అంతం లేదు

ఆశకు అంతులేదు నిద్రకు సుఖం లేదు

ఆశకు దరిద్రానికి లంకె

ఆశకు మించిన దూరం వడ్డీకి మించిన వేగం లేవు

ఆశకు ముదిమి లేదు ఆర్ధికి సౌఖ్యం లేదు

ఆశకుపోతే గోచీ ఊడిందట

ఆసనంలో పుండు అల్లుని వైద్యం

ఆసలు విడిస్తే అటమట లేదు

ఆస్తి పంపకంతో చావులు అయ్య చావుతో విందులు

ఆహారం దగ్గర వ్యవహారం దగ్గర మొగమాటం పనికిరాదు

ఇ చిత్రాల పెండ్లికొడుక్కి అక్షింతలు పెడితే నొసలు గులగుల అని నోట్లో వేసుకున్నాడంట

ఇంకే చెరువుచేపలకు కొంగను కాపుంచినట్లు

ఇంగువ కట్టిన గుడ్డ బెల్లం వండిన పొయ్యి

ఇంగువ దొంగతనము దాగవు

ఇంట ఆచారం బయట అనాచరం

ఇంట కుడిచి ఇంటివాసాలు లెక్కించినట్లు

ఇంట గెలిచి రచ్చ గెలువు

ఇంటదానికి ఇత్తడి గొలుసు బజారుదానికి బంగారు గొలుసు

ఇంటి ఎద్దుకు బాడిగ ఏమిటి

ఇంటి గుట్టు పెరుమాళ్ళ కెరుక

ఇంటి గుట్టు రచ్చకెక్కినట్లు

ఇంటిగుట్టు లంకకు చేటు

ఇంటి చిలుకను బోయకిచ్చినట్లు

ఇంటి దీపం గదా అని ముద్దాడితే కాలకుండా వుంటుందా

ఇంటిదొంగను యీశ్వరుడు పట్టలేడు

ఇంటి పేరు కస్తూరివారు ఇంట్లో గబ్బిలాల కంపు

ఇంటికన్నా గుడి పదిలం

ఇంటికళ ఇల్లాలే చెబుతుంది

ఇంటికి ఇత్తడి చిలుక బయటకి బంగారు చిలుక

ఇంటికి ఇత్తడి పొరిగింటికి పుత్తడి

ఇంటికి గుట్టు మడికి గట్టు

ఇంటికి జ్యేష్టాదేవి పొరుక్కు శ్రీమహాలక్ష్మి

ఇంటికి దీపం ఇల్లాలే

ఇంటికూటికీ దోవకూటికి రెంటికి చెడినట్లు

ఇంటిదీపమని ముద్దు పెట్టుకుంటే మూతిమీసాలన్నీ తెగ కాలినవట

ఇంటినిండా కోళ్లు ఉన్నవి గాని ఒక్కటిలేదు కూశేటందుకు లేవు

ఇంటినిండా కోళ్ళున్నా పక్కింటి కోడే కూయాల్సి వచ్చింది

ఇంటిపేరు కస్తూరివారు ఇల్లు గబ్బిలాల వాసన

ఇంటిపేరు క్షీరసాగరం వారు ఇంట్లో మజ్జిగచుక్కకు గతిలేదు

ఇంటిలక్ష్మిని ఇంటివాకిలి చెబుతుంది

ఇంటిలో పోరు వీధిలో జోరు

ఇంటివాణ్ణి లేపి దొంగ చేతికి కర్రయిచ్చినట్లు

ఇంటివారు వేలు చూపితే బయటివారు కాలుచూపుతారు

ఇంటెద్దుకు బాడిగలేదు

ఇంట్లో ఇల్లాలి పోరు బయట బాకీల పోరు

ఇంట్లో ఈగపులి బైట పెద్దపులి

ఇంట్లో ఈగలమోత బయట పల్లకీల మోత

ఇంట్లో ఈగల మోత బైట సవారీల మోత

ఇంట్లో దేవుణ్ణి వదిలి వీధిలో దేవుడికి మొక్కినట్లు

ఇంట్లో పస్తు వీధిలో దస్తు

ఇంట్లో పిల్లి వీధిలో పులి

ఇంట్లో పులి బయట పిల్లి

ఇంట్లో పెండ్లి అయితే వూళ్లో కుక్కలకు హడావుడి

ఇంట్లో రామయ్య వీధిలో కృష్ణయ్య

ఇంట్లో వస్తు బయట వస్తు

ఇంట్లోపస్తు బైటదస్తు

తీగలాగితే డొంకంతా కదిలినట్లు

ఇక్కడ మునిగి అక్కడ తేలేవాడు

ఇచ్చింది పోయింది అసలు రాదు

ఇచ్చిన నిష్టూరం కంటే ఇవ్వని నిష్టూరమే మేలు

ఇచ్చిపుచ్చుకుంటూ ఉంటే వ్యవహారం వచ్చిపోతూ ఉంటే బాంధవ్యం

ఇచ్చివచ్చే నిష్ఠురముకన్నా యివ్వక వచ్చే విష్ణురం నయం

ఇచ్చే గొడ్డునే పితికేది

ఇచ్చేవాడిని చూస్తే చచ్చేవాడైనా లేస్తాడు

ఇటిటు రమ్మంటే ఇల్లంతా నాదే అన్నట్టు

ఇటువేస్తే హనుమంతుడు అటువేస్తే వీరభద్రుడు

ఇతరులెరుగ కున్న ఈశ్వరుడెరుగడా

ఇత్తడి పుత్తడికాదు తొత్తు దొరసానీ కాదు

ఇత్తు ఒకటివేస్తే చెట్టొకటి మొలుస్తుందా

విత్తు ఒకటి వేస్తే చెట్టు ఒకటి మొలుస్తుందా

ఇదిగో పాము అంటే అదిగో పడగ అన్నట్లు

ఇద్దరు ఒక చోట ఏకాంతమాడగా మధ్యన చేరేవాడు వట్టి వెధవ

ఇద్దరు పెద్ద మనుషులు ఎదురుపడితే మూడుదారులు ఒకపెద్దమనిషి ఇంకొక మూర్ఖుడు ఎదురుపడితే రెండుదార్లు ఇద్దరూ మూర్ఖులైతే ఒకేదారి

ఇద్దరు వెళ్ళాల మొగుడు ఇరుకున పడి చచ్చాట్ట

ఇద్దరు దెబ్బలాడితే మూడవవాడికి లాభం

ఇద్దరుకూడితే ఇంగలం లేకుండానే మండుతుంది

ఇనుపకుండ పగిలితే అతకవచ్చునుగాని మట్టికుంద పగిలితే అతకలేము

ఇనుము కరగేచోట ఈగలకేమి పని

ఇముము విరిగితే అతక వచ్చును గాని మనసు విరిగితే అతకలేము

ఇరుగును చూసి పొరుగు వాతపెట్టుకున్నట్లు

ఇరుగూరి వ్యవసాయం ఇద్దరు భార్యల సంసారం ఒక్కటే

ఇరుపోటీల యిల్లు చెడును వాత నొప్పుల వొళ్ళు చెడును

ఇరుపోటీలతోటి ఇల్లు చెడె పాత నొప్పులతోటి ఒళ్ళు చెడె

ఇరుసున కందెన పెట్టక పరమేశ్వరుడి బండైనా పారదు

ఇల్లరికం కన్నా మాలరికం మేలు

ఇల్లరికపుటల్లుడు ఇంటికి చేటు కొమ్ములబర్రె కొట్టానికి చేటు

ఇల్లలకగానే పండగ కాదు

ఇల్లలికితే పండకవుతుందా తోరణం కడితే పెళ్ళవుతుందా